رواية روح فارس الفصل التاسع 9 بقلم محمد منصور
رواية روح فارس البارت التاسع
رواية روح فارس الجزء التاسع
رواية روح فارس الحلقة التاسعة
حصل في الحلقة اللي فاتت. اني لمست ايد روح وبقيت جوة اوضة ظلمة وعرفت انها الجنية السوداء بنت ملك ملوك الجان اسود رجيم اللي خدع امي واتجوزها علي انه مسلم واسمه ضرغام وخلاها تهرب معه من قبيلتها وتسيب اهلها وناسها وخلصت الحلقة علي اسود رجيم وهو بيفصل دماغي عن جسمي. لكن الحقيقة انا مالمستش ايد روح لكن دمعه امي خلتني اشوف اللي هايحصل لي لو لمست ايد روح فجريت بسرعه ناحية الحصان وركبت الحصان وهربت من الارض الاولي وانا بسمع صرخات روح وصراخ ضرغام. اللي كان وقتها في قصر الملك غادر واقع علي الارض قدام امي وصيفة وعمي عمر اللي سيطروا علية بسحرهم وكان بيتوجع وحاسس بالم شديد وكانت وصيفة بتبص لضرغام. او اسود رجيم ودة اسمه الحقيقي وبتقول
انت يا ملعون تضحك عليه وتخليني مجرد لعبة في ايدك وتخدعني باسم الحب
اسود رجيم بصعوبة
كنت عايزاني اعمل اية بعد سلطان عظيم ما نفي بنتي وحرمني منها لسنين طويلة بمساعدة العراف نديم جاسوسة في مملكة غادر
عمر باستغراب
العراف نديم كان مع والدي سلطان ازاي.
اسود رجيم
العراف نديم مات من سنين علي ايد سلطان عظيم وخد سلطان جسم نديم ونقله بالسحر لجسم عمك قادر اللي عاش في المملكة بعد ما اتعمي سلطان عظيم وحبس روح جوة جسم الغنجمية وهو فاكر انها سلمي بنته وماكنش يعرف ان الغنجمية اتحررت وبقت من الجن
عمر
ولية عمي قادر يحبس روح جوة جسم سلمي
اسود رجيم
علشان يحميها من غادر اللي كان عايز يقتلها قبل ما تم عامها ال 21. واللي في هاتعرف حقيقتها ووقتها موت غادر هايكون علي ايدها بمساعدة المسلم اللي اتولد معها في نفس الساعه. وهو فارس ابننا
وصيفة
واية هو اللي هاتعرفة روح وبسببة تقتل غادر
اسود رجيم
ماعنديش شئ تاني يتقال
فتقرب منه وصيفة وتبص في عيونه وتضغط بالسحر عليه لدرجة ان اسود رجيم كان جلد جسمه بيتحرق ومن شدة الوجع قال
هقول هقول
فترفع وصيفة السحر عن اسود رجيم بعض الشئ وهي تقول
انطق
اسود رجيم بصعوبة
غادر قدر يوصل لمملكة البحر وخطف الاميرة بحور واغتصبها وحملت في روح وخلاها في المملكة لغاية ما ولدت لكن يوم ولادتها البحر الاعظم هجم علي مملكة من ممالك ملوك الجان وغرقت المملكة. بكل اللي كان فيها لانهم شكوا ان اللي خطف الاميرة بحور ملك من الجن وعرف غادر باللي حصل وخبئ روح وقتل امها الاميرة بحور ودفنها في الارض الاولي. لكنه ما يعرفش ان السن اللي ماتت في بحور هو نفس السن اللي لما توصل روح تقدر تشوف بعيون امها كل اللي حصل. دة عرف في مملكة البحار. ومن سوء حظ غادر ان السر عرفته الجنية السوداء بمساعدة العراف نديم الخبيث اللي لما قتله سلطان ونقل جسمه لقادر عرف قادر السر وشار علي غادر بانه يخبي روح بمعرفته وفعلا خبئ قادر روح بالسحر المحرم في زمن غير الزمن وارض غير الارض جوة جسم بنت من سنها وماعرفش اي حد السر دة. وخلي روح جوة جسم سلمي علشان تكون ديما قريبة منه. وبلغ قادر. سلطان باللي عرفه فامر سلطان بنفي الجنية السوداء علشان يموت السر ويحفظو علي روح لغاية ما تكبر ويقتلو غادر وتبقي هي ملكة الارض والبحر.
عمر
لية عمي قادر ما قصرش المسافات دي كلها وقتل غادر وريحنا من شرة وبلغ ملك البحر الاعظم باللي يعرفو
اسود رجيم
غادر مات من سنين وعلي ايدية دي وخد جسمه. علشان اقدر اتحرك جوة القصر زي ما انا عايز واوصل لمكان بنتي الجنية السوداء. وبالنسبة لعمك قادر فهو حاول كتير يخلص عليه لكنه ما كنش بيقدر وكان مستني يوم الخلاص. او ان روح تتم ال 21. وانا كنت مستني اوصل لبنتي وانتقم من كل ملوك الجن والانس اللي سمحوا لسلطان عظيم باذية بنتي وحرماني منها
وصيفة
واية اللي دخل ابني فارس. في المخطط الخبيث بتاعك
اسود رجيم
فارس بيخلط الموهبة بالسحر. مع كمان انه في من صفات الجن بحكم اني ابوة وقدر بموهبتة يخليني افكر في اللوحة اللي هاتخليني احرر بيها بنتي وفي نفس الوقت اسيطر بيها علي كل اعدائي بسرقة اعمارهم. وقادر سهل علية المهمه اكتر واكتر بانه رمي روح جوة فارس وخلي بنهم ربط والربط دة كنت في الاول خايف منه لكني لقيت انه هايخليني اوصل لبنتي وامتلك روح واخرج امها من الارض الاولي واخلط كل دول في مخلوق واحد مخلوق يخليني امتلك الزمن دة والزمن اللي في روح. وماحدش يقدر يقف قدام اسود رجيم من الجن والانس
وصيفة
مخطط ما يطلعش الا من شيطان زيك
اسود رجيم
الشيطان اللي بجد هو والدك سلطان عظيم. بس اهو خد جزاة وابنه عمر اتحالف مع الساحر جلهوم وخلي والدك من ملك لقبيلته لمجرد راجل مذنب مستني حسابة بمجرد ما يرجع القبيلة. اللي ممكن توصل لقطع راسه
انصدمت وصيفة وبصت لعمر اللي قال
والدي كان عايز يقتلك حتي بعد ماعرف انك مسحورة والسبب في كدة الساحر جلهوم اللي قارن بينك وبين بنت الحداد اللي والدي امر بقطع راسها
وصيفة
انا الموت كان عندي اهون من انك تسلم رقبه والدنا لخبيث زي جلهوم
عمر
ماكنتش بفكر غير في اني انقذك من السحر المتسلط عليكي
في اللحظة دي كانت الغنجمية بتدخل الي الاوضة في شكل بومة وبتبص لاسود رجيم اللي بص لها وعرف انها هي فطلب منها مساعدتها لكنها قالت
وانت بتموت بتطلب مساعده جارية زيي انا مش جارية انا الملكة الغنجمية. ولازم استغل ضعفك يا خبيث
وخرجت نار من بوقها واتحرق اسود رجيم وجسمه اتحول لحمم بركانية وهو بيصرخ من شدة الوجع. وطارت بسرعه الغنجمية ناحية الشباك اللي دخلت منه لكن عمر شافها وبص لها وسلط عليها سحره واتمكن منها وفضلت تبص له الغنجمية بغضب شديد وعمر بيقول
اخرجي من صورة الطير وارجعي لصورتك الحقيقة
وتحاول الغنجمية الهروب من عمر لكن وصيفة تسلط سحرها عليها وتقول
اقسمت عليكي بقسم سليمان ارجعي لصورتك يا جنية
وفضلت تحاول الغنجمية الهرب لكن عمر ووصيفة قدروا عليها ورجعت لصورتها الاصلية وبصت لهم وهي بتقول
انا ساعدكم وخلصتكم من اسود رجيم. وماكنتش في يوم محتاجة اي شئ منه انا كنت بساعده علشان كنت فاكره انه الملك غادر جوزي. لكنه خدعني وقتل جوزي وكان لازم يموت. اظن انا مش عدوتكم
وصيفة
كملي مساعدتك لينا ودلينا علي طريق جودا
فبصت لهم الغنجمية وقالت
جودا اخبث خبيث مش هاتقدروا تخشوا عنده لان مسخر جن لحمايتة
عمر
ساعدينا نخلص منهم
الغنجمية
هاساعدكم بس بشرط. اكسب حريتي من القسم اللي رميتو عليه
عمر
حريتك ملكك من دلوقتي. بس ساعدينا
وفي نفس الوقت كنت فوق الحصان بخرج من الارض الاولي ولقيت نفسي في طريق ملهوش نهاية وروح في نص الطريق دة روحت لها بحصاني جري وقربت لقيتها متكتفة وبوقة متكمم ومراد واقف قدام منها وماسك خنجر وبيقول بصوت جودا
اخيرا اتقابلنا
فارس وهو ببنزل من فوق الحصان بيقول
عايز اية مني يا جودا مش كفاية انك غدرت بيا وباهلك وناسك وعلشان مين غادر
جودا
الخيانه بدات. من اهلي وناسي يوم ما امك وصيفة سابتني وراحت واتجوزت ضرغام وجدك سامحها حتي وهو بيدور عليها كان بيدور عليها علشان ترجع القبيلة هي وجوزها مش علشان يقتلها ويرد شرفي وشرفه
فارس
خلينا نعدي الكلام اللي فات عليه سنين. وعرفني لية جبتني الزمن دة.
جودا
عايزك تلاقي روح وتحبها وتحبك
فارس
وبعد الحب.
جودا
ترجع الارض الاولي وتخرج من الارض جثة الاميرة بحور
فارس باستغراب
مين الاميرة بحور
جودا
والدت روح
استغربت روح لكن فارس كان بيقول
ولية انت ماتروحش وتطلع الجثة طالما انت عايزها
جودا
ماحدش يعرف المكان المدفون في الاميرة بحور غير بنتها روح اللي بحبها للمسلم اللي اتولد معها تشوف المستخبي قبل ما تم ال 21 وتشوف الحقيقة
فارس
حقيقة اية
جودا
مالكش تعرف خد روح للارض الاولي وخليها تدلني علي المكان المدفون فيها الاميرة بحور.
فارس
مش قبل ما افهم اية مصلحتك في انك توصل لجثة الاميرة بحور
جودا وهو بيضغط بايدة علي رقبة روح قال
ضيع في الوقت لغاية ما تتحرم من حبيبتك
وبدات روح تتخنق وبص لها فارس وحاول يقرب منها او يتقذها بسحره لكنه ماقدرش غمض عيونه علشان يشوف يقدر يعمل اية وفتح عبونه وقال
خلاص. سيبها وانا هاعمل لك اللي انت عايزه
وفي نفس الوقت كان الغنجمية سيطرت علي كل الجن اللي حوالين جودا ودخلت الاوضة ولقيت جودا مش في الاوضة استغربت وبصت لوصيفة وعمر وقالت
راح فبن دة
وصيفة
انتي متاكدة انه كان هنا
الغنجمية
وانا بقضي علي الجن اللي كان مسخرهم لخدمه اكدولي انه في الاوضة بيمارس سحر اسود خبيث
وفي اللحظة دي تقع عين وصيفة علي شعره لونها احمر لون شعر جودا والشعرة اتسابت كدليل فراحت وصيفة ناحية الشعرة ومسكتها وبصت للشعرة وشافت ابنها فارس في طريق وهو علي حصانه ومعه روح ومراد ومكتوب علي الشعرة
★زي ماغدرت بيا هاغدر بيك. والسر اللي انتي مخبئ. هاكشفة الرسالة دي مش هايعرف يقرها الا حد من نسل سلطان غريب. الارض الاولي هناك الشر مدفون تحت الارض لو خرجت الدم والنار هما اللي هايحكمو الارض كل اللي شفتو وسمعتو كذب ★
عمر
يقصد اية جودا بالرسالة دي
الغنجمية
رسالة غريبة
وصيفة
بس اكيد ليها تفسير
عمر
واية بس تفسيرها.
وصيفة اللي بدات تشك في حاجة فقالت
يلا بسرعه نرجع للقاعه اللي كان فيها ضرغام
وفي نفس الوقت كان سلطان عظيم بيدخل قبيلته بعد الرسالة اللي جت له بحكم جلهوم لاهلة وناسة وراح وكانت الناس بتشتمة بابشع الشتائم. و سلطان مستغرب اللي سمعه وراح لبيتة و جلهوم كان قاعد علي الكرسي الخاص بي فقال سلطان
شامم ريحتك الخبيثة في المكان
جلهوم وهو بياكل فاكهة وبيقول
انا مش بس في المكان انا كمان قاعد مكانك
غضب سلطان وحاول يستخدم السحر بتاعه لكنه لقي نفسه بلا قوة. فيحاول مرة تانية فيضحك جلهوم ويقول
ازاي عبد من العبيد يستخدم السحر ضد الملك بتاعه
سلطان
انت ملك يا ملعون
جلهوم وهو بيقيد سلطان بسحرة بسلاسل من دخان
ابنك عمر ساعدني علشان اكون ملك قبيلة سلطان. ماهو انا نسيت اقول لك انه باعك واشترا علاج اخته
فيحاول سلطان انه يتخلص من السلاسل لكن جلهوم يضربة بكرباج اسود مسموم ويقول له
متحاولش اهل قبيلتك عرفو اللي انت كنت بتعمله علشان تنقذ بنتك واللعنه حلت عليك بان سحرك وقوتك اتسلبو منك وقريب هأمر بقطع راسك
وينادي جلهوم علي الحراس ويقفوا قدام منه فيقول
خدوا العبد دة واحبسوا في الزنزانة اللي تحت الارض لغاية ما انظر في امرة.
ويسحبوا الحراس سلطان للزنزانة اللي كان مسجون فيها جلهوم. ونرجع تاني للقاعه اللي كان فيها اسود رجيم وتروح وصيفة ناحية جثة اسود رجيم المتفحمة وتمشي بايديها علي الجثة وهنا يبان شعر الجثة وكان لونة احمر فتصدم وصيفة وتبص لعمر والغنجمية وتقول
اللي مات علي ايدك يبقي جودا
الغنجمية
يعني اسود رجيم لسه حي
عمر
اسود رجيم هو اللي مع فارس دلوقتي
وصيفة
واللي مدفون في الارض الاولي. هي الجنية السوداء مش الاميرة بحور
الغنجمية
لو خرجت الجنية السوداء واتجمعت مع ابوها اسود رجيم هاتكون النهاية لينا كلنا وماحدش هايقدر عليها
وصيفة
والملعون دة عايز. لية فارس وروح هما اللي يخرجوها من تحت الارض
الغنجمية
علشان اللعنه لعنت سلطان عظيم وفارس حفيدة والسر سر غادر وروح بنته وفارس وروح والربط اللي ما بينهم وحبهم لبعض الارض الاولي مرحبا بيهم وهما اللي يقدروا يلمسوها
عمر
يبقي نحاول وندور بسرعه في جثة جودا ممكن نلاقي اي اشارة تاني توصلنا للحقيقة ،،،،،،،،
وفي نفس الوقت كان فارس وروح واقفين قدام شجرة وروح تقول
شايفا امي مدفونه هنا
اسود رجيم في صورة مراد
احفر وخرجها.
وبدأ فارس يحفر وهنا ظهرت، ،،،،،،،،،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية روح فارس)
تعليق واحد